لسه فاكره لما كنا صغيرين
لما كنا لسه نبته لونها اخضر
لسه جرح الدنيا ليها ماابتداش
لما كان الحلم جوا القلب صافى
لسه لونه حلو زاهى
لسه لون الدنيا بردوا مالوثوش
كنا نرسم كل احلامنا بايدينا
كنا سامعين صوت بكره بينده علينا
اه زمان
لما كانوا بيسالونا
يلقوا فينا صوت براءه
قلوب لسه لونها صافى
لسه مش عاملين للدنيا مية حساب
مكنش فى كفايا عيب والف الف
ومليون تفكر فى الكلام قبل الكلام
كنا لسانا صغيرين
عمر يوم مافهمنى حد بشكل تانى
وقال كلامى بمية حكايه
ولا فيهم شكل واحد لون كلامى
ليه زمان مكنش فيه سوء نوايا
وليه كبرنا وكل شئ فينا اختلف
حتى احلامنا وهوانا لونتهم النوايا
الون خشب
خلاص لونها معدش زاهى
ياهل ترى
الدنيا دى داست علينا فغيرتنا كتير كدا
ولا احنا اللى ظلمنا الدنيا ونفسنا وشكلنا
وكل حاجه حلوه فينا اتبدلت واتغيرت
وبقينا كما لوح الخشب متحسناش اصلا بشر
ايه العمل ليه الوشوش زى التعالب مكارين
راسمين براءه وجوا منهم ميت حكايه كدابين
هو دا حال الدنيا ولا احنا اللى حالنا اتقلب
بنكون سوا اطفال بريئه بتترسم منها ابتسامه
تمحى فى القلب اى اها
وبنرسم الحلم بايدنا ونشكل الوانها سوا
نكبر بسرعه ونفترق مية الف حاجه مكتوبين
دول طيبين دول مغرورين ودول قلوب سودا اوى
ياهل ترى .. ايه العمل
بـقلم / منـار راضـى
بقلم خالد
خالد محمد من مدينه القاهرة مصر ، مهووس بتصميمات المواقع والتطوير وكل ماهو متعلق بالمواقع والنشر واحببت مشاركه العالم لكل ما اراه مفيدا لى لتعم الفائده للجميع.
زوجين من الفضه
0 التعليقات :
إرسال تعليق
الآراء والتعليقات المنشورة تعبر عن رأي أصحابها فقط..والموقع يخلى مسئوليته من اى تعليق مخالف.